Барлық жаңалықтар
2021 жылдың қаңтар айынан бастап "Астана-ЕРЦ" компаниясының тарифі 31 теңгені құрайды. Бұрынғы баға 2013 жылы бекітілген және осы күнге дейін көтерілмеді. "Астана-ЕРЦ" бас директоры Мұратбек Әлменбетовтың айтуынша, жаңа баға монополияға қарсы заңнамаға сәйкес шығыстарды оңтайландыру және бағаларды реттеу үшін анықталды. Әлменбетов тариф енді бұрынғыдай жолдар санымен емес, жалпы қызмет көрсетумен анықталатынын атап өтті. Естеріңізге сала кетейік, серіктестік коммуналдық қызметтерді тұтынушыларға түбіртектерді қалыптастыру мен жеткізуді қамтамасыз етеді. Белгіленген баға жасалған жаңа келісімдердің мерзіміне немесе қолданыстағы келісімдердің өзгеруіне, биылғы жылдың қаңтарынан бастап қолданылады.
"Шығындардың өзіндік құнының жыл сайын өсуі кезінде «Астана-ЕРЦ» қызметтерінің бағасы шығыстарды оңтайландырудың арқасында сақталып отыр. Мәселен, 2016 жылдан бастап 2019 жылға дейін өндірістік шығындар 38%-ға өсті. Біз күн сайын жеткізушілер үшін де, олардың тұтынушылары үшін де сервисті жақсарту бойынша жұмыс істейміз, бұл барлық банктер мен төлем жүйелері арқылы онлайн төлем жасау мүмкіндігін қамтамасыз етуге және елорда тұрғындары үшін қолайлы жағдай жасауға, тұтынушылардың банк комиссияларын төлеуге арналған шығыстарын қысқартуға мүмкіндік береді", - деп қосты Мұратбек Әлменбетов.